Ich bedanke mich bä alle Leit, di wu des schiene un rundum gelungne Treffe vom 21. Juni 2025 in Franketal geplant un vorbereitet hann un aa derfor gsorcht hann, dass noh im Saal un drumrum alles klappt. Dankscheen saan ich all de, di wu de Festsaal geschmickt un bestuhlt kann, der Technik, de Leit di wu gegrillt, es Esse gericht un uns bedient un bewirrt hann. Dankscheen saan ich for di feine Kuche, di wu gspend sinn wor. Dankschenn saan ich sicher aa de Leit, di wu nohhärr derfor gsorcht hann, dass alles widder sauber hinnerloss is wor, wi alle Leit schunn uff’m Hemmweech odder derhemm wore. Awwer ich saan in irschter Reih aa dankscheen alle Landsleit, di wu uff Franketal khumm wore un es irscht meeglich gemach hann, dass unser Treffe su schien gett, su gut gelingt, dass mer all mit suviel Leit hann khenne redde, di wu mer schunn su lang nimmi gsihn hann ghatt un dass aa uff di gut Mussich hat khenne getanzt genn. Dankscheen saan ich aa derfor, dass ich mä Buch „ Su hammer in Zampheter gerett“ im Festsaal verkhaafe hann därfe un ich bedanke mich bä all, di wu’s khaaft hann un winsche ne vill Fraid dermit. Mer khann des noch weider bä mer bstelle. Wann ich jemande bä meim „Dankscheen“ jetz vergess hann, saan ich dem jetzt e extra Dankscheen. Aa wann mol gsaat is wor „Su sinn halt di Zamphetre“, sellte mer dran denke, dass immer bissje gebrottlt gett un mer’s nit alle Leit recht mache khann. Uns hat’s stark gut gfall un mir wore fruh, dass mer derbei wore.

E schiene Gruß an alle Landsleit

Hansi Becker