Oma, Du hast mir v’rsproch, wann ich mol ganz gruß sin
Dass’t noch mol uff Zamphedr fahrscht, un ich derf mit dort hin
No gihn ich mit in unser Haus, no schau mr iwerall no
Vleicht is ’s Puppewähnche noch un all di Spillsache do
Un eemol Oma, mächt ich mit uff Petschka fratschle gihn
De Wald, die Marasch un die Plett, des alles mecht ich sihn
Odr wann die Protession grad no zu Fuß uff Radna giht,
No gihn ich in meim weiße Kleid for Bildmädche mit
Du hast gsaht, wann Ustre is, flie die Glocke fort
Su was han ich noch niemols gsihn, no wär ich gere dort
Im Dorf die Buwe raschple no, un singe Summer Maije,
Gihn mit de Kerb vun Haus zu Haus un jidr get ne Aier
Un baarfisich mecht ich gihn, im Dreck bis an die Knie,
Un dorch’s Grawilaloch vum Pherd an seiner Fick mich ziehe
Äppl un Kersche mecht ich stehle, un mit Buwe raafe
Odr uff dr Hutweid stunnelang de Maikäfer nolaafe
Die Entcher fange in dr Plutz, un schaue ob se lache
Uff’m Filche reide su wie du, des alles mecht ich mache.
Wann ich nor wisst, wann des mol is! ich warte Wuch for Wuch
Oma!mess mich doch mol ab, v’leicht sin ich schun gruß genuch