Sânpetru German   

Hat nit salutiert

Aufgezeichnet von Zacharias Bönisch (*16.11.1894 +13.03.1979) in Deutschsanktpeter

Andreas Kirchner erstellte 1975 zu dem Schwank die obige Kaltnadel Radierung, die wir mit freundlicher Genehmigung hier zeigen.

Am Dorfingang vun Zampedr mitta uf dr Stroß stiht em heiliche Florian sei Statue. Uf der is er lewesgruß mit dr Gießkann in dr Hand und schitt Wasser ufs Feier.Vor Johre han sich mol an der Statue zwaa Feierwehrmänner getroff, dr Franzeveddr vun Totina un dr Hanseveddr vun Zampedr un han ihre Patron betracht. Ufmol saat dr Hanseveddr:“Du Franz, weest du a, dass dr Floriani an sei Tschako greift un salutiert ,wann er hiert, dass es Mittach leit?“.“Awer gih“ saht dr Franzeveddr,“ des kann mr jo nit glawe!“.“Des kannst ruhig glawe“ saht dr Hanseveddr nochmol. Uff des han die zwaa mitnaner gewett: wer verspillt, muß zwaa Liter Wein zahle. Derweil hat die Kerichuhr zwelef gschla un die Glocke han angfang Mittach leite. Dr Totinaer Franz hat de Floriani scharf ins Au ghol, awer der hat ruhig gstan un ke Hand griehrt.
„Na die Wett han ich gewunn“ saat dr Franzeveddr. „Nee ich han se gwunn“ saat dr Hanseveddr. „Ich hann dir deitlich gsaat: wann dr Floriani hiert Mittach leite, salutiert er, awer er hiert jo nit“.