Home

Iwer unser Dorf

Deutschsanktpeter von Zacharias Bönisch *16.11.1894 +13.03.1979

Aufgezeichnet von Walther Konschitzky

Ja, wann ich jetz vorbereit gewen wär, no hätt mr halt sich vorarweide kenne; jetz in dem Moment, iwerhaupt wan mr mol iwer achtzich is, loßt des Gedächtnis no! Ich han viel gforscht iwerall iwer unser Dorf, iwer die Ansiedlung, iwer die Gebräiche un Sitte, ich han Eich jo aa zum "Neie Wech" Volksgut gschickt, mich hat des immer intressiert.

Vun dr Ansiedlung's letzte Ansiedlerhaus war in dr Kerchegaß dort une, un die han - jetz is es schun zwai Johr - is des Haus abgeriß wor, un is jetz e neies Haus dorte, nit? 's Haus hat su ausgschaut: Vore an dr Gaß hat's ee Finster ghat, un no wor die Stub, un no wor die Kich, un no dr Stall, des wor's ganze Haus. Gstamptes Haus wor's mit Ruhr gedeckt. Vor zwa Johr is es abgeriß wor, sein jo junge Leit drin, un die han e neies Haus gebaut. Dort wor's enziche Ansiedlerhaus do noch.

1718 sin die ierschte Ansiedler kumm, vun Elsaß-Lothringen sin die ierschte kumm. Dann in 1763 sin 675 uf eemol kumm, die wore aus Franken, aus Elsaß-Lothringen un ausm Schwarzwald. Un su hat sich die Zahl vermehrt uf 1026 bis im 1776er. Schwarzwälder sin aach 1737 kumm, die sind zwischer Deitschsanktpeter un Munar angesiedlt wor, die Haiser wore fertich, es Bezdiner Kluster awer wor geger die Ansiedlung, weil sie han befercht, vun ihrem Klusterfeld misse se abgen an die An¬siedler. Na un es is ihne gelung, de Engelhofer, de militärische Gouver¬neer un de Verwaltungsbeamte Fichter han se bespickt, un su is es'n gelung, die Ansiedlung zu verhinre. Die Ansiedler sin no uf Rekasch, sin se abgewanert un han dort die Ansiedlung vergreßert, un uf Guttnbrunn sin aa iwersiedlt, un 's Bezdiner Kluster hat su sei Vermeeje bhal.

Aso urspringlich hat unser Gemeinde drauß uf dr Arader Stroß an¬gsiedlt selle were. Un no han se prowiert e Brunne mache, no ware se schun zehn Meter tief nunergang un han noch immer ke Wasser fun. No han se sich entschloß, runer ins Tal die Ansiedlung mache, wu se leichter Wasser han ghat. Su is es passiert, die ierschti Ansiedler han sich die hichre Plätzer rausgsucht, un han uf die Plätzer ihr Haiser gebaut, un drum is unser Gemeinde, hat se noch heit ke grade Gasse: Der een hat doher baut, de aner dorthin, halt uf die hechre Plätzer. Die Plutze, ¬su saan mir, wann wu Wasser g'stan hat - die Plutze, die sin dann in die spädre Johre sin se ufgfillt wor mit Grund un su is langsam aso e Gaß entstan. Awer grad Zampeder leen hat ke grade Gasse, noch heit! Do ka mr die Gasse, anschaue, die sin su eckich, un su allerhandliche Form han se!

Wu's heitiche Kulturhaus stieht, wor die ierscht Kerich gebaut ge¬wen; im 1724 is die ierscht Kerich gebaut wor, awer dr ierschte Pfarre wor schun 1721 do, Peter Lauer hat'r sich gschrieb. Un newer dr Kerich wor aa glei dr Friedhof, dr Kerichhof. Un sie han die Kerich un de Kerichhof nit uf dem Platz kenne losse, weil bei Iwerschwemmunge, wann die Marosch iwerschwemmt hat, sin die Gräwer ufspiehlt wor, un die Tude sin rausgschwemmt wor un fortgschwumm. Un su han se no die Kerich verleet uf e hechres Platz. Noch e Friedhof, saat mr e Kerichhof, wor drauß im Wald. Im 1738 wor die Pest do im Dorf, un die an Pest Verstorwne sin dort begrab wor. Die ierschte han se dort begrab, un späder han se se schun verbrennt, die wu an Pest gstorb sin, die sin verbrennt wor, die Tude. Un su sin viel Kiner ohne Eltre blieb, un die han se no uf Neiarad in e Spital interniere geloß die Kiner, 'was ohne Eltre blieb sin. Domol sin schrecklich viel gstorb an dr Pest. Des wiß mr nit, ob die nochmol zruck sin kumm ins Dorf, die Kiner, des wiß mr nit, sin se zruckkumm nochmol; wer weeß, wu se Unerschlupp kriet han.

1843 sin 36 Familie vun Zampeder uf Totina, dort han se zwelf Joch Feld kriet, un vier Joch han se misse mit Tuwak anbaue, nit? Na die Zampetrer sin iwersiedlt un sin in Totina blieb. Un vun Perjamosch sin aa noch uf Totina kumm, die sin, ich men, vun Perjamosch wore noch mieh riwerkum uf Totina wie vun Zampeder. N'awer intressant is des: Zum Beispiel die Perjamoscher saan "naa" un "net", un mir saan "nee" un "nit". Un unser Leit, wu niwer sin uf Totina, han ihre Sproch falle geloß un han die anghol, die Perjamoscher. Die Totinarer saan jetz aa "naa" un "net". Un sie saan aa nit sowie mir "Brut" - Brot un "schien" ¬schön. Mir han viel mit de Totinarer zu tun ghat, mit de anre Derfer do, Perjamosch oder Sikesik ham` mr nix zu tun ghat. Do hat mol e Totinarer Lehre bei're,Kerwei gsaat, wie mr beisamm do gsitzt wore: "Vun de schiene Zampetrer Weiwer un vun de schiene Perjamoscher Männer sein mir scheene Totinarer entstan", so hat'r g?saat. Do werd iwer Totina gsaat:

Totina, Totina Eslsstadt,
schwarzes Brut un doch nit satt;
gruß Schissle un wienich drin,
de Teiwl mecht in Totina sin!


Un sie han uns gspott, "Fläschekepp", mir wore die "Fläschekepp". Sie han uns darum su, genennt, weil mir iwer die Kerwese "Fläsche" saan. Sie saan "Kerwese", un mir Zampetrer saan wieder "Fläsche". Ich glaab, im ganze Banat nor grad Zampeder saat "Fläsche". Do saat mr aa zum Beispiel "Fick" iwer de Schwanz, "dr Kuh ihr Fick", un "Viechl" iwer de Vogl un "Motter, gev mr Botterbrut" - Butterbrot.

Ich han jo viel su Sache ufgschrieb iwers Dorf un iwer die Ge¬bräiche; un sin vielerlei Gebräiche do, wu in anre Derfer v'lleicht nit sin. Intressant wor do "s Letzfaschingbegrawe. Sin se hergang un han su Stange han se vier ghol, zwaa zwerich un zwaa lang, un e Junger hat misse uf die hinerschti Stang de Kopp leje, un dee han se mit Weißmehl, han se ne ingstraut deejeniche; un ans aner End is e Paar Schuh ange¬bun wor, no han se mit'me Leentuch is des su iwerzoo wor, daß mr rich¬tich gement hat, des is e Tudelad. Na un no wor wieder, der wu bissche piffich wor, der wor dr Parre gewen, der is hineno gang un hat gsung Lieder un su gred Versche, awer was der immer gsung un gsaat hat, des kann ich nimehr rausfine, sie han aa Texte ghat. Bis zum Zwade Weltkriech sin se rumgang im Dorf, die Parre wore jo dergen, awer sie sin doch gang. Immer wann am zweite Faschingstach im Wertshaus um zwelf Uhr Feierowed wor, no han se die Fasching begrab, bis am Morjet sin se im Dorf rumgang, awer nit mit Musich.

Hänsl-un-Gredl, uf des kann ich mich nit erinnre; nor des weeß ich noch, daß se aa mit Wään gfahr sin oder mit Schlidde, die Mädcher un die Buwe, un gsung han se, awer verkleed wore se nit. Un an die Wään kann ich mich erinnre, do war e Rad angebun, un dort wor etwas dran, wu sich immer rumge¬dreht hat. Awer ob des Hänsl-un-Gredl wor, uf des kann ich mich nimi erinnre.

No wor do noch e intressante Gebrauch, de Pingstrling: des wor der, wu zu lang gschlof hat! Jetz han se getracht, han sich zu Gsellschafte zammgstellt, die Jugend, un han se gepaßt, daß se eene han derwischt, der wu sich schun schlofe geleet hat, for dee Pingstrling mache. Aso, gewihnlich is e Kranz aus Brennessl gemach wor, un des han se'm uf de Kopp getun.

Un wichtich wor des, daß se'n irgendwie angebun han, der wu schun gschlof hat, mit'me Strick an sei Bett angebun, daß'r nit fort hat kenne. Un wann se no dee Kranz un alles uf de Kopp geleet han ghat, es End vum Lied wor no, e Eemer ,voll Wasser uf'n schitte. No sin se fortgeloff, un der hätt no wolle naus, un hat nit kenne, is'r hänge geblieb, weil'r angebun war.

Ja for su Sache han ich mich intressiert, un su allerhand han ufgschrieb. Vieles, werd jo heit nimehr gemach.

(Aufnahme: 1975 publiziert im "Neuen Weg")